*2017/4/6 ، عيشة اصحاب واقراب ....*

*2017/4/6 ، عيشة أصحاب و أقراب....*

*محلى الحياة اللي بها اهل واقراب*
*نفرح بشوفتهم صناديد عزوه*

*متوافقينن بالرخا ووقت الاصعاب*
*هي عيلتن ما بعدها من مروه*

*متواصلينن دوم ماسدو ابواب*
*دومن على وصل الرحم والاخوه*

*وديارهم معمورتن عود و اطياب*
*في طبعهم اخلاص هم دار نخوه*

*مافيهم الخوان أو نذل كذاب*
*والنعم فيهم بالشرف نعم صفوه*

*هم بالمجالس ذكر بالطيب ينجاب*
*لاهل الخباثه ما اتركو اي فجوه*

*ويزود فيهم عز مع نخبة اصحاب*
*إللي بهم تقدير اهل المروه*

*ربع الوفا و الفخر محلاهم احباب*
*ما فرقتهم قولت افلان سووه*

*لهم بجوف الصدر حبن و إعجاب*
*على عهود الصدق اهله وكفوه*

*هم ما بصحبتهم مناقيد و اعياب*
*والرشد فيها خير صحبه و عزوه*

*اهل الصداقه اللي بها الظن ماخاب*
*نحفظ صداقتهم بشده و قوه*

*وليا اقبلو عالناس بسمه و اطراب*
*بسماتهم دايم على غير رجوه*

*البسمه اللي منتهاها بمطلاب*
*ماهي بمنهم المنى بس رضوه*

*ناسن قرومن وإلهم المدح باطياب*
*مهما قوافي قلت ماتجيب جزوه*

*العيشه محلاها مع اصحاب و اقراب*
*ياويل من قاطع حبال الاخوه*

*هذي الحياة اللي لها القلب طلاب*
*البعض عايشها والاكثر بسهوه*

*والحرف جاكم بالجنوبي ابوذياب*
*عبدالله الفودي من اعصار جووه*

            # *بقلمي الشاعر* :

   *[أبوذياب الجنوبي]عبدالله بن يحي آلفودي 📄®〽 ✍.*